Hastarbajtaru z Mazyra za pracu ŭ Rasii dali zarobak suvienirnymi hrašyma
Žychar Mazyrskaha rajona atrymaŭ za paŭhoda pracy ŭ Rasii 58 tysiačaŭ rasijskich rubloŭ, 55 ź jakich akazalisia niesapraŭdnymi. Toje, što kupiury źjaŭlajucca suvienirnaj pradukcyjaj, hastarbajtar z žonkaj daviedalisia pry sprobie abmianiać ich u adnym z mazyrskich bankaŭ.
Ab niesapraŭdnaści kupiur śviedčać nadpisy «bilet banka prykołaŭ», «nie źjaŭlajecca płaciožnym srodkam» dy inšyja prykmiety. Mužčyna nie zaŭvažyŭ ich, bo maje surjoznyja prablemy sa zrokam. Padman staŭ dla jaho sapraŭdnym šokam, bo jon całkam daviaraŭ svajmu rasijskamu pracadaŭcu.
Jak paviedamlaje telekanał «Mazyr», u horadzie pačaścilisia sproby abmianiać u banku suvienirnyja hrošy. Akramia taho, chapaje i vypadkaŭ, źviazanych z tradycyjnymi falšyŭkami — kopijami aryhinałaŭ.