U Minsku adkryjecca Mižnarodny kinafiestyval «Listapad»
Adkryćcio Mižnarodnaha kinafiestyvalu «Listapad» projdzie ŭ Minsku 6 listapada. Cyrymonija adkryćcia adbudziecca ŭ 19.00 ŭ kinateatry «Maskva». Padčas cyrymonii adbudziecca modny pakaz, a taksama kancert papularnych biełaruskich vykanaŭcaŭ. Taksama na adkryćci fiestyvalu ŭručać pryz prezidenta krainy «Za zachavańnie i raźvićcio tradycyj duchoŭnaści ŭ kinamastactvie».
Płanujecca, što cyrymoniju naviedaje śpiecyjalnaja hościa — francuzskaja aktrysa i režysior Fani Ardan. Zaviaršyć cyrymoniju pakaz filma Hijoma Nikłu «Dalina kachańnia».
Kinafiestyval «Listapad» — najbujniejšy kinaforum u našaj krainie, jaki prachodzić štohod, pačynajučy z 1994 hoda. Pieršapačatkova jon zadumvaŭsia jak tvorčaja placoŭka dla kiniematahrafistaŭ SND i Bałtyi, adnak na siońnia jaho hieahrafija istotna pašyryłasia. Naprykład, u sioletniaj prahramie jość filmy z samych roznych krain Jeŭropy i navat z Paŭdniovaj Karei.
Fiestyval budzie praciahvacca da 13 listapada.