ZŠA hatovyja dać Ukrainie treci tranš u $1 młrd
Bieły dom zajaviŭ, što vice-prezident ZŠA Džo Bajden u telefonnaj razmovie z prezidentam Ukrainy Piatrom Parašenkam paabiacaŭ pieradać Ukrainie treci tranš u $1 młrd na baraćbu z karupcyjaj i na padatkovuju reformu, paviedamlajecca na sajcie administracyi amierykanskaha kiraŭnika.
Vice-prezident padkreśliŭ hatoŭnaść Złučanych Štataŭ dać kredyt Ukrainie. Heta budzie zroblena ŭ ramkach namahańniaŭ pa rasśledavańni i sudovym pieraśledzie karupcyi i dla harantyi taho, što padatkovaja reforma krainy prachodzić u adpaviednaści z prahramaj MVF.
Raniej paviedamlałasia, što vice-prezident ZŠA Džozef Bajden i prezident Ukrainy Piotr Parašenka pahutaryli na niekalki tem, abmierkavaŭšy ekanamičnyja reformy, antykarupcyjnyja inicyjatyvy, a taksama minskija damoŭlenaści.