Brytanija: Bombu ŭ A321 mahli zakłaści pierad vyletam
Brytanskija śpiecsłužby miarkujuć, što bombu ŭ rasijski samalot A321 avijakampanii «Kahałymavija», jaki raźbiŭsia na Sinai, mahli zakłaści pierad vyletam z aeraporta jehipieckaha Šarm-el-Šejcha.
Jak udałosia vyśvietlić Bi-bi-si, brytanskija ekśpierty miarkujuć, što vybuchovaje prystasavańnie mahło być zakładziena ŭ bahažnaje adździaleńnie samalota.
Viersija pra bombu źjaviłasia ŭ brytanskich śpiecsłužbaŭ paśla pierachopu šerahu paviedamleńniaŭ, jakimi abmieńvalisia isłamisty na Sinajskim paŭvostravie.
Dakładnaja pryčyna katastrofy nieviadomaja. U Kramli raniej zajaŭlali, što viersii pra pryčyny krušeńnia łajniera moža vyłučać tolki śledstva.