Kab nahadać pra siabie, minčuk prataraniŭ mašynu byłoj sužycielki
Supracoŭnikami adździeła kryminalnaha vyšuku Partyzanskaha RUUS Minska zatrymany 45-hadovy mužčyna, jaki naŭmysna paškodziŭ mašynu svajoj byłoj sužycielki.
Jak paviedamlaje HUUS Minharvykankama, para rasstałasia, adnak mužčynu nie chaciełasia, kab 30-hadovaja siabroŭka jaho zabyła, tamu pastajanna sprabavaŭ nahadvać pra siabie.
Straciŭšy nadzieju kančatkova, mužčyna vybraŭ davoli niezvyčajny sposab znoŭ zajavić pra siabie. Vyrašyŭ, što dapamoža jamu ŭ hetaj spravie aŭtamabil kachanaj. U jaje «Piežo-206» mužčyna spačatku pałamaŭ škłoačyščalnyja ščotki, a praź niekalki dzion abliŭ mašynu rastvaralnikam. Adnak reakcyi ad žančyny tak i nie dačakaŭsia.
Tady mužčyna pajšoŭ na krajnija miery: razahnaŭšysia na svaim aŭto, urezaŭsia ŭ jaje aŭtamabil. Tym samym pryčyniŭ uron amal na 30 młn. rubloŭ.
U dačynieńni da mužčyny raspačata sprava pa č. 1 art. 218 KK (naŭmysnaje źniščeńnie abo paškodžańnie majomaści). Adkaznaść za hetaje złačynstva praduhledžvaje abmiežavańnie voli da dvuch hadoŭ.