Kiraŭnik JEK: Jeŭrasajuzu nieabchodna stvarać ułasnuju armiju
Jeŭrasajuzu nieabchodna stvarać ułasnuju armiju. Pra heta zajaviŭ kiraŭnik Jeŭrakamisii (JEK) Žan-Kłod Junkier ŭ Brusieli.
Sałdaty niamieckaj armii. Ilustracyjnaje fota: badische-zeitung.de
«Ja kazaŭ, što vystupaju za jeŭrapiejskuju armiju, i byŭ raskrytykavany. Ciapier heta vidavočna, i my pavinny inviestavać šmat, kab stvaryć realnuju jeŭrapiejskuju abaronnuju palityku», — skazaŭ jon.
Žan-Kłod Junkier taksama adznačyŭ, što terarystyčnaja hrupoŭka «Isłamskaja dziaržava» źjaŭlajecca voraham numar adzin dla Jeŭropy. «Tak, ja liču ID voraham numar adzin», — skazaŭ kiraŭnik JEK, adkazvajučy na pytańnie ab tym, ci padzialaje jon mierkavańnie prezidenta ZŠA Baraka Abamy, što hetaja terarystyčnaja hrupoŭka źjaŭlajecca samaj vialikaj pahrozaj śvietu.
Pavodle jaho słoŭ, krainy pavinny abjadnać usie svaje resursy i namahańni dla baraćby ź ID. Jon padkreśliŭ, što ŭ hetym pytańni važna ciesnaje supracoŭnictva śpiecsłužbaŭ. Pry hetym, ukazaŭ kiraŭnik JEK, nielha źmiešvać prablemu teraryzmu i mihracyjny kryzis.
«Ja nie chaču źviazvać teraryzm z prablemaj mihracyi. U ich niama ahulnych padstaŭ. Nielha źmiešvać hetyja dva pytańni», — skazaŭ jon. Žan-Kłod Junkier taksama padkreśliŭ, što relihija nie pavinna vykarystoŭvacca dla raźjadnańnia. «Jana pavinna być abjadnaŭčaj siłaj», — adznačyŭ jon.