U Biełarusi źjavicca nacyjanalnaja premija ŭ halinie vyjaŭlenčaha mastactva
Pra heta paviedamiła siońnia žurnalistam pieršy namieśnik ministra kultury Iryna Dryha.
«U sistemie nacyjanalnych premij źjavicca jašče adna — nacyjanalnaja premija ŭ halinie vyjaŭlenčaha mastactva. Idzie raspracoŭka pałažeńnia, a ŭpieršyniu pravieści ŭručeńnie płanujecca ŭ 2017 hodzie, kali adbudziecca tryjenale sučasnaha mastactva», — skazała Iryna Dryha.
Płanujecca, što nacyjanalnaja premija ŭ halinie vyjaŭlenčaha mastactva budzie ŭručacca najlepšamu skulptaru, žyvapiscu, dyzajnieru, majstru fatahrafii, najlepšamu aŭtaru art-abjektaŭ, najlepšamu maładomu aŭtaru.
Napieradzie vialikaja rabota pa padrychtoŭcy pałažeńnia hetaj premii. Iryna Dryha adznačyła, što nacyjanalnaja premija ŭ halinie vyjaŭlenčaha mastactva nie pakinie biez uvahi tvorčaść maładych, pakolki mastactva ciesna źviazana z maładymi, i mienavita moładzi daviadziecca jaho raźvivać.