U RF śćviardžajuć, što źniščyli kryłatymi rakietami štab-kvateru ID u Siryi
U Hienštabie RF zajaŭlajuć, što zapuścili 12 kryłatych rakiet pavietranaha baziravańnia pa abjektach terarystyčnaj hrupoŭki «Isłamskaja dziaržava» u pravincyjach Alepa i Idlib. U vyniku udaraŭ źniščanyja składy HZM, kamandny punkt i štab-kvatera ID.
Pra heta paviedamiŭ načalnik hałoŭnaha apieratyŭnaha ŭpraŭleńnia Hienštaba VS RF hienierał-pałkoŭnik Andrej Kartapołaŭ, pieradaje »RIAN»
Pavodle jaho słoŭ, z terytoryi RF stratehičnyja rakietanoscy Tu-95MS ažyćciavili puski 12 kryłatych rakiet pavietranaha baziravańnia pa abjektach terarystyčnaj hrupoŭki «Isłamskaja dziaržava» u pravincyjach Alepa i Idlib.
«Celami dla paražeńnia stali składy HZM, zavod pa vytvorčaści vybuchovych rečyvaŭ, kamandny punkt i štab-kvatera arhanizacyi ID ŭ horadzie Idlib», — padkreśliŭ jon.
Taksama, pa słovach Kartapołava, eskadrylla dalokich bambavikoŭ Tu-22M3 naniesła skancentravany ŭdar pa šaści abjektach u pravincyjach Raka i Dejr-Ez-Zor: «Celami stali abjekty naftapierapracoŭki terarystaŭ na terytoryi, kantralavanaj arhanizacyjaj ID, skład bojeprypasaŭ i majsternia pa vytvorčaści i ramoncie minamiotaŭ».