Pientahon vyrašyŭ źmianić taktyku ŭ baraćbie suprać ID
Złučanyja Štaty buduć nanosić ŭdary pa naftavaj infrastruktury bajevikoŭ «Isłamskaj dziaržavy».
Pra heta zajaviŭ ministr abarony ZŠA Eštan Karter, pieradaje Slon.ru.
«My płanujem źmianić praviły našaha ŭdziełu ŭ apieracyi. My źmianili taktyku, jak heta było ŭ vypadku ź bienzavozami», — skazaŭ jon.
VPS ZŠA nanieśli ŭdar pa kałonie ź bienzavozaŭ ŭ rajonie Dejr-Ez-Zora 16 listapada. Byli źniščanyja 116 tankieraŭ; pavodle dadzienych Vašynhtona, hramadzianskija asoby nie paciarpieli. Heta byŭ pieršy vypadak ataki amierykanskich źniščalnikaŭ na bienzavozy ID.
Karter taksama patłumačyŭ, što raniej ZŠA ŭstrymlivalisia ad udaraŭ pa naftavych abjektach z-za taho, što ŭ naftavym promyśle ID zaniata vialikaja kolkaść mirnych žycharoŭ. Rašeńnie źmianić taktyku było pryniataje paśla terarystyčnych aktaŭ u Paryžy.