Amal 250 kalasačnych i elektraščytavych u Minsku pieraviaduć u razrad arendnaha žylla
Pra heta paviedamiŭ hienieralny dyrektar dziaržaŭnaha abjadnańnia «Minskaja haradskaja žyllovaja haspadarka» Vital Śmirnoŭ.
U ciapierašni čas u žyłfondzie Minska, što znachodzicca na absłuhoŭvańni ŽREA, naličvajecca 352 kalasačnych i elektraščytavych, ź ich 248 pryznanyja prydatnymi dla pražyvańnia. U žyłfond užo pieraviedzienyja 52 pamiaškańni, ź ich u razrad arendnaha — 40.
Z prapanovaj pieravieści kalasačnyja i elektraščytavyja ŭ fond žylla kamiercyjnaha vykarystańnia pry ŭmovie, što pieršyja prydatnyja dla pražyvańnia, vystupiŭ Minharvykankam u kancy minułaha hoda. Hetuju inicyjatyvu padtrymaŭ kiraŭnik dziaržavy.
Na siońniašni dzień u stalicy naličvajecca bolš za 5 tys. kvater kamiercyjnaha vykarystańnia. Zhodna z zakanadaŭstvam, 60% arendnych žyłych pamiaškańniaŭ vyłučajuć dla patreb ahulnaharadskoj čarhi, 10% — dla vajskoŭcaŭ, 30% — dla asob, jakija majuć pieršačarhovaje prava na atrymańnie takoha žylla (sudździ, prakurorskija rabotniki, maładyja śpiecyjalisty, jakija navučajucca za košt dziaržbiudžetu i nakiravanyja na pracu ŭ dziaržaŭnyja arhanizacyi). Arendnaje žyllo ŭ Minsku karystajecca padvyšanym popytam. Tak, na adnu kvateru prychodzicca ad 100 da 400 žadajučych u joj pražyvać.