Šojble: U vypadku teraktaŭ Hiermanija vyviedzie armiju na vulicy
Ministr finansaŭ Hiermanii Volfhanh Šojble publična zaklikaŭ na hetym tydni vykarystać armiju ŭ vypadku, kali adbuducca skaardynavanyja terarystyčnyja ataki ŭ adnym ź niamieckich haradoŭ.
Niamieckija palicejskija ŭ Hanoviery. Fota telegraph.co.uk
Ideja źjaviłasia ŭ noč na sieradu ŭ suviazi z admienaj futbolnaha matča Hiermanija—Niderłandy ŭ Hanoviery pa pryčynie mahčymaści napadu terarystaŭ.
Zhodna ź infarmacyjaj niamieckich ŚMI, na stadyjonie, dzie pavinna była prysutničać kancler Anhieła Mierkiel, płanavałasia padarvać adrazu niekalki vybuchovych pryład.
«U vypadku situacyi, padobnaj da paryžskaj, z atakami ŭ troch-čatyroch miescach, nam treba dumać ab tym, ci dastatkova budzie mahčymaściaŭ našaj palicyi. Što my možam zrabić, kab padtrymać siły biaśpieki, jakich užo nie chapaje?» — skazaŭ Šojble hazecie Rheinische Post.
Zhodna z kanstytucyjaj Hiermanii, Uzbrojenyja siły mohuć vykarystoŭvacca padčas kryzisu, adnak pakul ich vykarystoŭvali tolki ŭ vypadku pryrodnych katastrof.
Ministr unutranych spraŭ Hiermanii Tomas de Meźjer adznačyŭ, što niamieckaja palicyja pakul nie patrabuje dapamohi armii.