U Rasii trapiŭ u avaryju pasažyrski aŭtobus «Maskva—Danieck». Jość achviary
U noč na 30 listapada ŭ Kašyrskim rajonie Varoniežskaj vobłaści ŭ Rasii pierakuliŭsia rejsavy aŭtobus «Maskva—Danieck». Pavodle paviedamleńnia pres-słužby MNS Rasii, u vyniku DTZ paciarpieli pasažyry. «Paciarpiełyja dastaŭleny ŭ Babroŭskuju CRB i Haradskuju kliničnuju balnicu chutkaj miedycynskaj dapamohi №10 Varonieža», — havorycca ŭ paviedamleńni pres-słužby viedamstva.
Vydańnie «Lihabiznesinform» sa spasyłkaj na palicyju RF udakładniła, što ŭ DTZ mahło zahinuć 4 čałavieki — dvoje mužčyn i dźvie žančyny, a 14 pasažyraŭ paciarpieła. Pa papiarednich dadzienych rasijskaj palicyi, 36-hadovy kiroŭca nie spraviŭsia z kiravańniem aŭtobusa pa pryčynie drennych umoŭ nadvorja.