U Marjinaj Horcy zatrymali niebiaśpiečnaha złačyncu z Rasii
U Marjinaj Horcy supracoŭniki hałoŭnaha ŭpraŭleńnia kryminalnaha vyšuku (HUUR) MUS pry padtrymcy SACHRa ŭnutranych vojskaŭ zatrymali siońnia hramadzianina Rasii, jaki znachodziŭsia ŭ miždziaržaŭnym i mižnarodnym vyšuku, paviedamili ŭ MUS Biełarusi.
Uradženiec Tatarstana 1973 naradžeńnia abvinavačvajecca ŭ tym, što z 2001 pa červień 2015 hoda ŭ składzie bandy ździejśniŭ šerah ciažkich i asabliva ciažkich złačynstvaŭ: bandytyzm, vykradańnie čałavieka, vymahalnictva, razboi.
Viadoma, što jon byŭ raniej sudzimy za ŭčynieńnie vymahalnictvaŭ u asabliva bujnym pamiery ŭ składzie arhanizavanaj hrupy. U našu krainu jon prybyŭ z Rasii i chavaŭsia ŭ Marjinaj Horcy na zdymnych kvaterach. Abvinavačany žyŭ za košt biełaruski, da jakoj uvajšoŭ u davier.
Zatrymany źmieščany ŭ izalatar časovaha ŭtrymańnia da razhladu pytańnia ab jaho vydačy pravaachoŭnym orhanam Rasii.
Pa słovach načalnika hałoŭnaha ŭpraŭleńnia kryminalnaha vyšuku kryminalnaj milicyi MUS Biełarusi Anatola Sakoviča, zatrymańniu papiaredničała analityčnaja praca supracoŭnikaŭ HUUR i apieratyŭnych padraździaleńniaŭ UUS Minskaha abłvykankama.