Pucin zapatrabavaŭ admovicca ad pastavak ukrainskaj elektryčnaści ŭ Krym
Prezident RF Uładzimir Pucin daručyŭ razarvać kantrakty na pastaŭku elektraenierhii z Ukrainy.
Pucin adznačyŭ, što ŭkrainskim uładam naležyć paviedamić pra hetaje rašeńnie zahadzia, pieradaje Hazieta.ru.
Pa słovach prezidenta RF, ad ukrainskaj elektryčnaści Krym admovicca tady, kali budzie naładžana rabota enierhamosta z Kubani ŭ Krym.
«Nielha dapuścić, kab, kali my całkam zasiłkujem Krym ad čatyroch łancuhoŭ i całkam pakryjem usio, što pastaŭlałasia Ukrainaj, u nas byli aktualnyja kantrakty na pastaŭku elektraenierhii z Ukrainy ŭ Krym, kali nam heta budzie nie treba», — zajaviŭ jon.
Učora kiraŭnik Kryma Siarhiej Aksionaŭ paprasiŭ Maskvu admovicca ad ukrainskaj elektraenierhii. Jon adznačyŭ, što ŭ paŭvostrava niama nastolki krytyčnaj patreby va ŭkrainskaj elektraenierhii.
«Ja davioŭ svaju pazicyju i pazicyju krymčan da fiederalnaha centra, pakolki pierakanany, što iści na povadzie ŭ šantažystaŭ krymčanie nie majuć namieru. Adnak kančatkovaje rašeńnie prymaje Minenierha RF», — zajaviŭ kiraŭnik anieksavanaha Kryma.