Turcyja abvinavaciła Rasiju ŭ «etničnych čystkach» u Siryi
Premjer-ministr Turcyi Achmiet Davutohłu abvinavaciŭ Rasiju ŭ «etničnych čystkach» na poŭnačy Siryi.
Rasija, na dumku Davutohłu, sprabuje prymusić turkmienaŭ i sunitaŭ, u jakich napružanyja adnosiny z režymam Bašara Asada, pakinuć paŭnočnuju Łatakiju. Rasii heta treba, kab stvaryć biaśpiečnuju zonu i abaranić rasijskija i siryjskija vajennyja bazy ŭ rehijonie, ličyć jon.
Na dumku Davutohłu, rasijskija avijaŭdary pa Siryi tolki umacoŭvaje pazicyi džychadzistaŭ z ekstremisckaj hrupoŭki «Isłamskaja dziaržava», bo nakiravanyja suprać ŭmieranaj apazicyi.
Pry hetym Davutohłu zajaviŭ, što hatovy pracavać z Rasijaj, kab incydent sa źbitym rasiejskim samalotam la turecka-siryjskaj miažy nie paŭtaraŭsia. Čynoŭnik miarkuje, što bieź nieabchodnaj kaardynacyi pamiž bakami zaŭsiody budzie ryzyka padobnych incydentaŭ i nienaŭmysnaj kanfrantacyi.
Davutohłu taksama zaklikaŭ stvaryć novyja zony biaśpieki ŭ Siryi, kab praduchilić prytok biežancaŭ u Jeŭropu.