Svojskija žyvioły dapamahajuć svaim uładalnikam lepš spać
Novaje daśledavańnie pakazvaje, što bolšaść uładalnikaŭ svojskich žyvioł, jakija śpiać u abdymku sa svaimi hadavancami, lepš vysypajucca.
petattack.com
U Centry miedycyny snu ŭ klinicy Maja ŭ Skotsdejle, Aryzona, byli apytanyja 150 pacyjentaŭ. Usiaho 56% apytanych raspaviali, što dapuskajuć katoŭ abo sabak na łožak abo ŭ spalniu, ź ich 20% skardziacca na toje, što žyvioły pieraškadžajuć im spać, a 41% śćviardžaje, što razam z žyviołami im śpicca lepš, piša «Maja płanieta» sa spasyłkaj na Daily Mail.
Apošnija raskazali, što kudłataja istota ŭ ich łožku daje im pačućcio biaśpieki, abaronienaści, što spryjaje dobramu snu. Asabliva heta tyčycca ludziej adzinokich, ale nie tolki ich. Adna zamužniaja žančyna raspaviała, što dva sabaki, jakija ŭładkoŭvajucca padčas snu la jaje noh, dziejničajuć jak «abahravalniki», a kot, jaki kładziecca na hrudziach, — jak zaspakajalnaje.
Pa słovach daślednikaŭ, mnohija ludzi ŭsprymajuć svojskich žyvioł jak členaŭ siamji. Pakolki čałaviek pravodzić značnuju častku času ŭ śnie, žadańnie taho, kab žyvioła padzialiła ź im i hetuju prajavu žyćcia, całkam vytłumačalnaje. U toj ža čas u chatnich haspadarkach lik žyvioł raście, razam ź im raście i lik domaŭładalnikaŭ, jakija skardziacca na toje, što hadavancy pieraškadžajuć im spać.
U 2013 hodzie kala 10% apytanych Centram miedycyny snu skardzilisia na toje, što sabaki ci katy nie dajuć im vysypacca. Za 10 hadoŭ da hetaha takich było ŭsiaho 1%.