Abanenty biełarusizujuć MTS
Adkryty list
Pasprabujem davieści kampanii pra nieabchodnaść źjaŭleńnia hałasavoj infarmacyjnaj systemy MTS pa-biełarusku. Kali kiraŭnictva kampanii pojdzie na hety całkam naturalny krok, to bolš za try miljony biełaursaŭ zmohuć štodnia čuć u svaich słuchaŭkach rodnuju movu.
Pavažany Uładzimir Sihizmundavič, źviartajusia da Vas jak da hieneralnaha dyrektara STAA «Mabilnyja TeleSystemy» ź vielmi važnym dla biełarusaŭ pytańniem i prapanovaju.
Vaša kampanija pracuje na biełaruskim rynku ŭžo šmat hadoŭ i zarekamendavała siabie, jak vielmi adkazny i prafesijny prartner. Tym nia mienš mianie, jak biełaruskamoŭnaha karystalnika pasłuh Vašaj sietki, vielmi chvaluje adsutnaść mahčymaści paŭnavartasna atrymlivać pasłuhi Vašaj kampanii na svajoj rodnaj movie.
Pavodle artykuła 17 Kanstytucyi Respubliki Biełaruś biełaruskaja mova źjaŭlajecca dziaržaŭnaju movaju ŭ krainie, adnak da hetul pasłuhi vašaje kampanii pradstaŭlajucca tolki pa rasiejsku dy na anhielskaj movie. Vielmi pryjemna, što isnuje biełaruskamoŭnaja versija aficyjnaj staronki Vašaj kampanii ŭ Internecie (choć j nia ŭsie jaje funkcyi dastupny ŭ biełaruskamoŭnym varyjancie). Adnak bolšaść karystalnikaŭ Vašaj sietki źjaŭlajucca ŭsio ž taki nie naviedvalnikami sajtu, a karystalnikami hałasavych pasłuh. Abanentskaja baza Vašaje kampanii naličvaje bolš za try miljony karystalnikaŭ. Naturalna, što vializarnaja kolkaść ź ich źjaŭlajucca nośbitami biełaruskaje movy. Pad čas apošniaha pierapisu kala 85% nasielnictva rodnaj movaj nazvali biełaruskuju. Dumaju, što siarod karystalnikaŭ pasłuh Vašaje kampanii hetyja ličby buduć padobnymi. Upeŭnieny, što pačuŭšy ŭ słuchaŭcy rodnuju movu pavaha da Vašaje kampanii i žadańnie karystacca jaje pasłuhami ŭ nich tolki ŭzraście.
Užo daŭno ni dla kaho nie źjaŭlajecca sakretam, što biełaruskaja mova jość znakam elitarnaści. Bujniejšyja kampanii śvietu pry prasoŭvańni svaich praduktaŭ na biełaruskim rynku abirajuć biełaruskuju. Sacyjalahičnyja apytańni i apytańni na staronkach bujniejšych intrenet‑sajtaŭ śviedčać na karyść biełaruskaj movy. Da taho ž niekatoryje mabilnyja aperatary sotavaj suviazi ŭ Biełarusi ŭžo vykarystoŭvajuć u svajoj pracy z klijentami biełaruskuju movu.
Tamu ja zaklikaju Vas zrabić uzajemavyhadny krok nasustrač vašym klijentam i pašyryć vykarystańnie biełaruskaje movy ŭ našych z Vami stasunkach. Vielmi spadziajusia, što ŭžo ŭ najbližejšy čas hałasavaja infarmacyjnaja systema MTS budzie mieć mahčymaść zadavolić patreby biełaruskamoŭnych karystalnikaŭ. Mnie i mnohim maim siabram, jak i miljonam inšych biełarusaŭ, što časam nia mohuć datelefanavacca da svaich rodnych ci znajomych, u dadatak da zvykłych «Abonient vriemienno nie dostupien, pieriezvonitie pozžie» i «The subscriber is not available now, please, call back later» budzie vielmi zručna i pryjemna pačuć choć i niesuciašalnaje, ale ž rodnaje «Abanient časova nie dastupny, pieratelefanujcie paźniej».