Anhieła Eśpinosa Ruis. Saniet
Ispanka, jakaja samastojna vyvučyła biełaruskuju movu, napisała novy vierš — saniet.
Niabiesnaj kałychankaj zasynaje
Pavolna sonca miž duchmianych ruž,
I źziaje zorka zakachanych duš,
I vietryk letni ŭ sadzie zacichaje.
Staić u sadzie staražytny dub,
Pamiž halinaŭ kletka załataja,
A ŭ kletcy płača ptušačka načnaja,
Jak zhubleny ŭ sumnievach samahub.
I heta tolki ty, maja turma,
Bo žarść tvaja ŭziała mianie ŭ pałon.
Jak ptuška na samocie serca bje.
Ty kvietka dnia, ty recha sałaŭja,
Maja niavola — cud moj, dy praklon,
Hučyć moj sumny hołas dla ciabie.