U Ńju-Jorku prezientavali biełaruski časopis FOTA, VIDEA
26 śniežnia ŭ Mižnarodnym domie marakoŭ na Manchetanie (Ńju-Jork) adbyŭsia čarhovy schod BAZ «Pahonia» i prezientacyja dziaviataha pa liku vypusku almanachu «Biełarus» - štohodnaha litaraturnaha vydańnia biełarusaŭ zamiežža.
Vioŭ imprezu hałoŭny redaktar i vydaviec Marat Kłakocki, jaki davaŭ słova aŭtaram tvoraŭ, uklučanych u novy vypusk almanachu.
Siarod ich i lidar KCHP-BNF Zianon Paźniak, jaki sioleta ŭpieršyniu apublikavaŭ u vydańni svaje vieršy i apaviadańni. Spadar Paźniak raspavioŭ prysutnym pra ekanamičnuju i palityčnuju situacyju na Biełarusi, vykazaŭ prapanovy pa dalejšym vydańni «Biełarusa».
Chvilinaj maŭčańnia prysutnyja ŭšanavali pamiać Uładyki Emihidyjuša (Juryja) Ryžaha, adnaho z samych aktyŭnych aŭtaraŭ almanachu, jaki adyšoŭ u lepšy śviet 29 listapada.
Svaje vieršy pračytała maładaja paetka Maryna Kražova, a taksama pra svaje tvory raskazali prysutnyja na imprezie aŭtary Vital Zajka, Siaržuk Sokałaŭ-Vojuš, Hanna Šarko (taksama debiutantka vydańnia) i Valancina Jakimovič.