Pad Ašmianami z rasijskaj fury skrali kletku z norkami
Nie zusim zvyčajny kradziež adbyŭsia ŭ Ašmianskim rajonie ŭ noč na Rastvo.
Kiroŭca hruzavika nočču spyniŭsia na zapraŭcy ŭ Ašmianskim rajonie, što niepadalok ad miažy ź Litvoj, kab adpačyć pierad darohaj. Mašynu jon nie zakryvaŭ.
U paŭpryčepie mužčyna pieravoziŭ źviaroŭ, a mienavita kletki z norkami. Kali mužčyna zasnuŭ, da jaho mašyny padjechaŭ druhi aŭtamabil. Jaho kiroŭca zabraŭ z paŭpryčepa adnu kletku, u jakoj znachodzilisia piać źviarkoŭ. Heta zafiksavała kamiera videanazirańnia.
Norki naležali rasijskaj firmie i kaštavali kala 4 miljonaŭ rubloŭ. Kiroŭca vioz ich z Kalininhrada ŭ Sankt-Pieciarburh. Na dadzieny momant milicyja ŭstanaŭlivaje asoby złamyśnikaŭ.