«Hazprom» pierastaŭ być najbujniejšym pastaŭščykom hazu va Ukrainu
Ukraina ŭ 2015 hodzie zakupiła hazu ŭ Jeŭropie bolš, čym u Rasii. Jak paviedamiła kampanija «Ukrtranshaz», pa vynikach hoda pastaŭki ź Jeŭropy pavialičacca ŭdvaja prykładna da 10,3 miljarda kubamietraŭ. U «Hazproma» Ukraina nabyła 6,2 miljarda kubamietraŭ - u 2,3 razy mienš, čym hodam raniej.
Premjer-ministr Ukrainy Arsienij Jacaniuk paviedamiŭ 27 śniežnia, što Ukraina ŭ 2015 hodzie skaraciła spažyvańnie hazu prykładna na čverć. Pa słovach Jacaniuka, pastaŭlena meta damahčysia enierhietyčnaj niezaležnaści Ukrainy na praciahu 10 hadoŭ.