Ruch «Za svabodu» padtrymaje 36 čałaviek na parłamienckich vybarach
Papiaredni śpis kandydataŭ, padtrymku jakim akaža ruch «Za Svabodu» na parłamienckich vybarach 2016 hoda, byŭ zaćvierdžany 28 śniežnia na pasiadžeńni rady arhanizacyi.
U papiaredni śpis uvachodziać 36 pretendentaŭ, paviedamlaje pres-słužba ruchu «Za Svabodu». Siarod ich — pieršy namieśnik staršyni Juryj Hubarevič, namieśnik staršyni Aleś Łahviniec, členy rady arhanizacyi Chrystafor Žalapaŭ ź Viciebska, Dzianis Turčaniak z Bresta, Andrej Jurkoŭ z Mahiloŭskaj vobłaści, Halina Kraŭčanka z Homiela, Juryj Mielaškievič ź Minska i inšyja.
Hubarevič adznačyŭ, što žadańnie atrymać zachodnija kredyty dla vyratavańnia ekanomiki prymusić biełaruskija ŭłady pierahledzieć padychody da arhanizacyi vybarčych kampanij. «Naŭrad ci možna skazać, što vybary buduć poŭnaściu sumlennymi i demakratyčnymi, ale mahčymaściaŭ dla pracy z vybarščykami i pa prasoŭvańni sumiesnaha pasłańnia pavinna stać bolš», — ličyć jon.
Ruch «Za Svabodu» hatovy dapamahčy kandydatam navučańniem, infarmacyjnaj padtrymkaj, a taksama padrychtoŭkaj prahramnych pasłańniaŭ.
Pry hetym rada arhanizacyi padtrymała pracu sumiesna ź inšymi pravacentrysckimi strukturami (u pryvatnaści, Abjadnanaj hramadzianskaj partyjaj i arhkamitetam pa stvareńni partyi «Biełaruskaja chryścijanskaja demakratyja») pa padrychtoŭcy ahulnaha śpisu kandydataŭ na parłamienckich vybarach i raspracoŭcy ahulnaha pasłańnia da vybarščykaŭ.