Dźvie junyja minčanki zavierbavali niekalki dziasiatkaŭ biełarusak u prastytutki
Upraŭleńniem Śledčaha kamiteta pa h. Minsku raspačata kryminalnaja sprava pa č. 2 art. 171 Kryminalnaha kodeksa Respubliki Biełaruś u dačynieńni da dźviuch žycharak Minska, 1996 i 1998 hadoŭ naradžeńnia.
Padstavaj da zaviadzieńnia kryminalnaj spravy pasłužyli materyjały daśledčaj pravierki, praviedzienaj supracoŭnikami Ministerstva ŭnutranych spraŭ.
Śledstvam ustanoŭlena, što padazravanyja, znachodziačysia ŭ Minsku, na praciahu 2014-2015 hadoŭ, z dapamohaj elektronnaj pierapiski, telefonnych pieramovaŭ i asabistych sustreč nieadnarazova padšukvali i vierbavali biełarusak, u tym liku zaviedama niepaŭnaletnich, dla akazańnia płatnych intymnych pasłuh hramadzianinu adnoj z arabskich krain.
U ciapierašni čas śledčymi va ŭzajemadziejańni z apieratyŭnymi supracoŭnikami milicyi pravodzicca kompleks śledčych i apieratyŭna-vyšukovych mierapryjemstvaŭ, nakiravanych na ŭstalavańnie ŭsich epizodaŭ supraćpraŭnaj dziejnaści.
Pa papiarednich dadzienych, dziaŭčatami było ŭciahnuta ŭ zaniatak prastytucyjaj niekalki dziasiatkaŭ čałaviek.