Biełarus siensacyjna pieramoh na samym prestyžnym turniry suśvietnaha muaj-taj
U paniadziełak, 28 śniežnia, u tajskaj Patai adbyŭsia hałoŭny hadavy turnir pramoŭšana Top King World Series u siaredniaj vazie (70 kh). Pa vynikach hoda siudy pastavili bicca biełarusa Dźmitryja Varca.
U pieršym ža dvuboi naš chłopiec niečakana dla mnohich nakaŭtavaŭ znakamitaha tajskaha prafiesijanała Kiema Sitsonhpinonha.
Ale hałoŭnaje vyprabavańnie čakała Varca napieradzie. U finale biełarus syšoŭsia z Chajałam Džanijevym, jaki ŭ minułym siezonie pieramoh samaha papularnaha bajca śvietu Buakava Benčameka.
Dźmitryj zdoleŭ spynić mahutny napor sapiernika i zamanić jaho ŭ svaju hulniavuju manieru viadzieńnia boju. Sudździ addali pieramohu Varcu paśla dadatkovaha raŭnda.
Dźmitryj Varac pieravažna žyvie ŭ Hrodnie, ale trenirujecca ŭ znakamitaha biełaruskaha śpiecyjalista Jurasia Bułata ŭ kłubie Bulat Gym. Cikava, što trenier pieravažna viadzie svaje staronki ŭ sacsietkach pa-biełarusku.