Uzrovień aficyjnaha biespracoŭja za hod vyras udvaja
Kolkaść zarehistravanych biespracoŭnych na kaniec listapada 2015 hoda skłała 43,2 tys. čałaviek. Uzrovień zarehistravanaha biespracoŭja na kaniec listapada 2015 hoda skłaŭ 1% ad ekanamična aktyŭnaha nasielnictva. Takija źviestki apublikavaŭ Nacyjanalny statystyčny kamitet.
Nahadajem, na kaniec listapada 2014 hoda kolkaść zarehistravanych biespracoŭnych u Biełarusi skłała 23,6 tys., abo 0,5% ad ekanamična aktyŭnaha nasielnictva. Takim čynam, za hod aficyjnaje biespracoŭje vyrasła ŭdvaja.
Pavodle źviestak Biełstata, u ekanomicy Biełarusi ŭ listapadzie 2015 hoda byli zaniatyja 4 młn. 464,3 tys. čałaviek (na 0,2% mienš, čym hod tamu).
Arhanizacyjami (biez subjektaŭ małoha pradprymalnictva) u listapadzie 2015 hoda było pryniata na pracu 47,2 tys. čałaviek (1,5% siaredniemiesiačnaj kolkaści), u tym liku na dadatkova ŭviedzienyja pracoŭnyja miescy — 2,6 tys. čałaviek, abo 5,6% ad ahulnaj kolkaści pryniatych.
Zvolnienyja pa roznych pryčynach 59,6 tys. čałaviek (1,9% siaredniamiesiačnaj kolkaści), ź ich 4,7% byli zvolnienyja za prahuł i inšyja parušeńni pracoŭnaj dyscypliny, 0,8% — u suviazi sa skaračeńniem kolkaści abo štatu rabotnikaŭ, likvidacyjaj arhanizacyj.
Kaeficyjent zamiaščeńnia rabotnikaŭ (adnosiny kolkaści pryniatych da kolkaści zvolnienych) u listapadzie 2015 hoda skłaŭ 0,792 (u listapadzie 2014 hoda — 0,963).