NISEPD: Łukašenka nabraŭ 50,8%, Karatkievič — 22%
Fota Dźmitryja Bruško, Tut.by
Alaksandr Łukašenka pieramoh na prezidenckich vybarach 2015 u pieršym tury, nabraŭšy 50,8% hałasoŭ. Jaho bližejšaja sapiernica Taćciana Karatkievič atrymała 22,3% hałasoŭ tych, chto pryjšoŭ na vybary.
Takija vyniki śniežańskaha apytańnia Niezaležnaha instytuta sacyjalna-ekanamičnych i palityčnych daśledavańniaŭ (NISEPD), zarehistravanaha ŭ Vilni.
Hetyja dadzienyja razychodziacca z aficyjnymi vynikami vybaraŭ, abvieščanymi Centrvybarkamam. Pa hetych vynikach, Alaksandr Łukašenka pieramoh z vynikam 83,5% hałasy, Karatkievič - 4,4%.
Vyniki vybaraŭ pavodle NISEPD i CVK (%)
| Łukašenka | Karatkievič | Hajdukievič | Ułachovič | Jaŭka | |
| NISEPD | 50,8 | 22,3 | 7,4 | 2,7 | 70,2 |
| CVK | 83,5 | 4,4 | 3,3 | 1,7 | 86,8 |
Sacyjołahi ź NISEPD adznačajuć, što z 70% tych, chto prahałasavaŭ 50% zrabili heta 11 kastryčnika, 20% - daterminova. Śviadoma bajkatavali vybary ŭ znak pratestu 4% biełarusaŭ.
«Pa ŭsioj bačnaści, ideja bajkotu zhulała na ruku nie stolki apazicyi, kolki uładzie: kali b niehałasavałyja ŭsio ž pajšli hałasavać, ź ich bolš prahałasavali b za Karatkievič, čym za Łukašenku», - adznačajuć aŭtary daśledavańnia.