Biełaruskija Kalady adśviatkavali ŭ amierykanskim horadzie FOTAFAKT
U horadzie Saŭt-Ryver u štacie Ńju-Džersi štohod paśla Kaladaŭ ładzicca śviatkavańnie biełaruskaj kaladnaj jalinki.
Padzieja adbyvajecca ŭ zali biełaruska-amierykanskaha centra, što staić užo bolš za sorak hadoŭ pobač pravasłaŭnaj carkvy sv. Jeŭfrasińni Połackaj. Prahrama śviatkavańnia tradycyjnaja: śpiavańnie kaladak, dekłamavańnie vieršaŭ, narodnyja tancy, muzyka, Dzied Maroz z padarunkami.
U hetuju niadzielu 10-ha studzienia paśla bahasłužby novy nastajaciel prychodu a. Kanstancin pryvitaŭ i błasłaviŭ udzielnikaŭ śviatkavalnaj prahramy i prysutnych haściej. Siastryctva prychodu padrychtavała ŭsim smačny abied, a zatym adbylisia hulni j tancy. Pad kaniec sceničnaj prahramy prybyŭ hučna sustrety Dzied Maroz ź miachom padarunkaŭ. Razam ź dziećmi radavalisia j baćki dy ŭspychvali fotaaparaty.
Śviatkavalnuju prahramu biełaruskaj jalinki padrychtavali daśviedčanyja režysiorki spadaryni Taćciana Dziamieščyk i Viła Laŭčuk pry dapamozie ŭdziačnych prychadžanaŭ.