Pradprymalniki pravodziać u Minsku «antykryzisny forum»
Na mierapryjemstva zaprošanyja pradstaŭniki ŭładaŭ.
U paniadziełak 11 studzienia ŭ Minsku ŭ hateli «Biełaruś» projdzie antykryzisny forum pradprymalnikaŭ. Jaho pačatak zapłanavany na 12.00. Abjadnańnie «Pierśpiektyva» adpraviła zvaroty na imia premjer-ministra i kiraŭnika administracyi Łukašenki z prapanovaj pravieści pieramovy «na placoŭcy «forumu» z metaj raźviazańnia vostraha kanfliktu ŭ pradprymalnickim asiarodździ».
Nahadajem, što mnohija pradprymalniki, jakija handlavali na rynkach abutkam i vopratkaj, spynili pracu. U zaležnaści ad rynkaŭ na pracu nie vyjšli 70—90% handlaroŭ.
Heta źviazana z tym, što 1 studzienia 2016 hoda kančatkova nabyŭ moc ukaz №222, jaki zabaraniaje handlavać tavaram biez nakładnych i siertyfikataŭ. Čynoŭniki rabili niekalki krokaŭ nasustrač pradprymalnikam: naprykład, praciahnuli termin, kali možna było handlavać reštkami niesiertyfikavanaha tavaru, źniali abmiežavańni na kolkaść handlovych kropak, dazvolili najmać na pracu nie tolki svajakoŭ. Ipešnikam dali zrazumieć: ad pačatku hoda ŭkaz pačnie pracavać, padabajecca heta im ci nie. Tak i zdaryłasia.
«Pierśpiektyva» śćviardžaje, što «pustyja rynki i handlovyja centry — heta śviadomy pracoŭny sacyjalny pratest pradprymalnikaŭ», a nie «kaladnyja vakacyi», jak zajaŭlajuć niekatoryja čynoŭniki.