ZŠA pačynajuć ekspart zvadkavanaha pryrodnaha hazu
U aŭtorak, 12 studzienia, u ZŠA na terminał Sabine Pass u štacie Łuizijana prybudzie tankier Energy Atlantic, kab upieršyniu ekspartavać z krainy zvadkavany pryrodny haz (ZPH).
Terminał naležyć kampanii Cheniere Energy, bolšuju častku pieršaj partyi hazu ŭ jaje nabudzie brytanskaja kampanija BG Group.
Jak adznačaje vydańnie, pačatak ekspartu ZPH z ZŠA zdolny pavialičyć kankurencyju ŭ halinie i pieraškodzić płanam kankurentaŭ pabudavać terminały na ŭschodnim uźbiarežžy Afryki, na zachodnim uźbiarežžy Kanady i Rasii.
Čakajecca, što da kanca dziesiacihodździa ZŠA stanuć trecim pa vieličyni eksparcioram SPH paśla Katara i Aŭstralii. Padkreślivajecca, što start ekspartu ZPH z ZŠA adbyvajecca na fonie źnižeńnia koštaŭ na haz, jakija časta pryviazanyja da koštaŭ na naftu.