Pucin pryznaŭsia, što nie chacieŭ pałochać Mierkiel łabradoram
Prezident Rasii Uładzimir Pucin u intervju Bild prakamientavaŭ epizod 2007 hoda, kali jaho sabaka Koni apynuŭsia ŭ zale, dzie prachodzili pieramovy z kancleram Hiermanii Anhiełaj Mierkiel.
Adznačałasia, što Mierkiel baicca sabak paśla napadu žyvioły ŭ 1995 hodzie.
«Kaniešnie, nie. Ničoha ja pra heta nie viedaŭ. Mnie, naadvarot, chaciełasia joj zrabić pryjemnaje, kali ja joj pakazaŭ svajho sabaku. Ja potym rastłumačyŭ joj i paprasiŭ prabačeńnia za heta», — zajaviŭ Pucin.
U ŚMI źjaŭlałasia infarmacyja ab tym, što prezident moh śpiecyjalna pasprabavać napałochać Mierkiel pry dapamozie łabradora.
Taksama Pucin zajaviŭ, što nikoli nie mianiaŭsia.
Žurnalisty vykazali zdahadku, što «isnuje dva Puciny» — da 2007, kali rasijski lidar byŭ maładym i adkrytym da dyjałohu, i paśla hetaha momantu.
«Ja nikoli nie mianiaŭsia. Pa-pieršaje, ja i adčuvaju siabie maładym siońnia. Ja byŭ siabram Šrodera, ja i zastajusia siabram Šrodera. Ničoha nie źmianiłasia», — zajaviŭ Pucin.
Pavodle słoŭ prezidenta, za hetyja hady nie źmianiłasia i jaho staŭleńnie da mnostva palityčnych prablem.
Akramia taho, Pucin zajaviŭ, što NATA «sieła na tron» Jeŭropy.
«Što, chiba ŭ statucie napisana, što NATA abaviazana prymać usich, chto zachoča? Nie. Patrebnyja kryteryi, patrebnyja ŭmovy. Była b palityčnaja vola, usio b zmahli zrabić, kali b zachacieli. Nie chacieli prosta. Chacieli vaładaryć. Sieli na hety tron. I što dalej? Ciapier my abmiarkoŭvajem kryzisnyja situacyi», — zajaviŭ Pucin.
Materyjał vyjšaŭ na sajcie haziety z vyniesienaj u zahałovak cytataj Pucina: «Miežy dla mianie nie važnyja».