Siły ZŠA ŭ Paŭdniovaj Karei pryviedzienyja ŭ najvyšejšuju bojehatoŭnaść
Siły armii ZŠA ŭ Paŭdniovaj Karei pryviedzienyja ŭ najvyšejšuju stupień bojehatoŭnaści na vypadak pravakacyj z boku KNDR, pieradaje ahienctva Jonchap. Adpaviedny zahad addali načalnik karejskaha hienštaba hienierał Li Suh-Džyn i kamandujučy vojskami ZŠA ŭ Paŭdniovaj Karei Kiortysa Skaparoci.
U paniadziełak hienierały praviali sumiesnuju inśpiekcyju štaba karejskich VPS i dysłakavanaj u 50 km na poŭdzień ad Sieuła hrupoŭki siomaj pavietranaj armii VPS ZŠA.
«Paśla niadaŭniaha vyprabavańnia KNDR svajoj jadziernaj zbroi jość vysokaja vierahodnaść taho, što karejskija vajskoŭcy praciahnuć raptoŭnyja pravakacyi, kab źmianić ciapierašni raskład sił», - zajaviŭ Li Suh-Džyn na sumiesnaj pres-kanfierencyi sa Skaparoci.
«Armija Paŭdniovaj Karei pavinna sabracca siłami i być u poŭnaj bojehatoŭnaści, kab pieraškodzić dalejšym pravakacyjam z boku KNDR i padtrymać mir i stabilnaść na Karejskim paŭvostravie», - dadaŭ hienierał.
Dniom raniej u niebie nad Paŭdniovaj Karejaj znoŭ źjavilisia amierykanskija ciažkija bambaviki B-52, abstalavanyja rakietami ź jadziernymi bojehałoŭkami. U apošni raz u karejskim pavietranaj prastory ich bačyli ŭ 2013 hodzie.