Novym kiraŭnikom Katałonii abrany prychilnik niezaležnaści rehijona
Novym kiraŭnikom Katałonii ŭ apošni momant abrany mer Žyrony Karles Pučdemon. 53-hadovy palityk paabiacaŭ pieratvaryć rehijon u niezaležnuju dziaržavu.
Parłamient Katałonii vybraŭ novym kiraŭnikom rehijona Karlesa Pučdemona. U chodzie hałasavańnia pozna ŭviečary ŭ niadzielu, 10 studzienia, mer Žyrony Pučdemon atrymaŭ 70 hałasoŭ deputataŭ aljansu Junts pel Sí i levaradykalnaj partyjaj CUP. 63 parłamientaryi prahałasavali suprać jaho kandydatury, jašče dvoje pry hałasavańni ŭstrymalisia.
U svajoj pramovie 53-hadovy palityk paabiacaŭ pieratvaryć rehijon u niezaležnuju dziaržavu.
Novaha kiraŭnika Katałonii ŭdałosia abrać faktyčna ŭ apošni momant. Kali b da apoŭnačy parłamient nie zmoh vyznačycca z kandydaturaj, to pryjšłosia b pravodzić novyja parłamienckija vybary. Hetaha ŭdałosia paźbiehnuć paśla taho, jak dziejučy kiraŭnik aŭtanomii Artur Mas admoviŭsia ad dalejšaj baraćby za svaju pasadu, kab adkryć darohu stvareńniu uradavaj kaalicyi ŭ składzie Junts pel Sí i CUP.
U adkaz na vykazvańni Pučdemona centralny ŭrad Ispanii čarhovy raz paćvierdziŭ, što nie dapuścić adździaleńnia Katałonii. «U nas siońnia jość kudy bolš, čym raniej, srodkaŭ, kab zabiaśpiečyć adzinstva krainy. Ispancy mohuć być spakojnyja», — zajaviŭ u televizijnym intervju premjer-ministr krainy Maryjana Rachoj.