Pryniaty papiaredni paradak dnia kanhresu demsiłaŭ
12 studzienia ŭ Miensku arhkamitet pryniaŭ papiaredni paradak dnia kanhresu demakratyčnych siłaŭ, jaki planujecca pravieści viasnoj hetaha hodu.
Nastupnaje pasiadžeńnie arhkamitetu adbudziecca praz dva tydni.
Pavodle adnaho ź siabroŭ arhkamitetu Mikałaja Statkieviča, vyznačanyja try mety kanhresu: kansalidacyja demsiłaŭ, pryniaćcie ahulnaj stratehii dziejańniaŭ demsiłaŭ, pryniaćcie stratehii zachavańnia i raźvićcia Biełarusi.
U śniežni Mikałaj Statkievič, Uładzimier Niaklajeŭ i Stanisłaŭ Šuškievič abviaścili pra stvareńnie arhkamitetu pa padrychtoŭcy kanhresu. Aproč ich u arhkamitet uvachodziać Źmicier Daškievič, Viačasłaŭ Siŭčyk, Andrej Sańnikaŭ, Hienadź Fiadynič i Michaił Pastuchoŭ.
Planujecca abmierkavać pytańnie ab dałučeńni da kanhresu pradstaŭnikoŭ pravacentrysckaj kaalicyi (ruchu «Za Svabodu», Abjadnanaj hramadzianskaj partyi, arhkamitetu pa stvareńni partyi «Biełaruskaja chryścijanskaja demakratyja»).
30 studzienia mahčymaść dałučeńnia da arhkamitetu abmiarkuje sojm Partyi BNF.