Konkurs pracaŭ pra biełaruskaje zamiežža praciahnuty da 1 sakavika
Na šmatlikija prośby ŭdzielnikaŭ, praciahnuty termin pryjomu pracaŭ na konkurs, pryśviečany historyi i sučasnaści biełaruskaha zamiežža, jaki Zhurtavańnie biełarusaŭ śvietu «Baćkaŭščyna» abviaściła z nahody svajho 25-hadovaha jubileju. Možna paśpieć padać pracu da 1 sakavika na adras:zbsb.minsk@gmail.com z paznakaj «Na konkurs».
Pra našych surodzičaŭ za miažoj tut, u Biełarusi, dahetul viedajuć niašmat. Ale ž mienavita praź ich, biełarusaŭ u zamiežžy, praź ich spravy i tvory va ŭsie časy nas, biełarusaŭ, bačyć śviet za miažoj: davajcie supolna raspaviadziem pra niezvyčajnyja losy i spravy biełarusaŭ zamiežža, kab lepš viedać i razumieć najpierš samich siabie, kab adčuć, što niezaležna ad miesca pražyvańnia – my adna nacyja.
Čakajem pracaŭ i ad prafiesijnych navukoŭcaŭ, i ad amataraŭ, ad stałych daśledčykaŭ i pačatkoŭcaŭ. Miesca pražyvańnia značeńnia nie maje. Hałoŭnaje, kab teksty byli raniej nie publikavanyja i napisanyja na biełaruskaj movie.
Pa vynikach konkursu pieramožcy atrymajuć kaštoŭnyja ŭznaharody, a najlepšyja pracy ŭdzielnikaŭ buduć apublikavanyja.
Pamier tekstaŭ da 1 aŭtarskaha arkuša (kala 40 tysiač znakaŭ).
Da razhladu prymajucca aryhinalnyja aŭtarskija teksty navukovaha, navukova-papularnaha, publicystyčnaha charaktaru. Jany mohuć być pryśviečanyja roznym aśpiektam žyćcia i dziejnaści biełarusaŭ u zamiežžy, u tym liku:
- bijahrafijam piśmieńnikaŭ, mastakoŭ, kampazitaraŭ, palitykaŭ, hramadskich i inšych dziejačaŭ, čyjo žyćcio i tvorčaść źviazanyja z zamiežžam;
- asensavańniu tvorčaj spadčyny dziejačaŭ biełaruskaha zamiežža;
- historyi masavych emihracyj, pierasialeńniaŭ biełarusaŭ pa-za miežy Biełarusi;
- historyi abo sučasnaści biełaruskaj prysutnaści ŭ asobnaj krainie;
- dziejnaści biełaruskich dziaržaŭnych pradstaŭnictvaŭ na Zachadzie: Rady Biełaruskaj Narodnaj Respubliki, Biełaruskaj Centralnaj Rady;
- dziejnaści asobnych biełaruskich arhanizacyj, supołak, kalektyvaŭ, srodkaŭ masavaj infarmacyi;
- sacyjalnym, ekanamičnym, kulturnym aśpiektam isnavańnia biełaruskaha zamiežža.
U skład žury konkursu ŭvachodziać siabry Rady MHA «ZBS «Baćkaŭščyna»:
- Natalla Hardzijenka, historyk, namieśnik dyrektara BDAMŁM,
- Lavon Jurevič, archivist Ńju-jorskaj publičnaj biblijateki,
- dr. Vitaŭt Kipiel, staršynia BINiMa,
- dr. Janka Zaprudnik, siabra ŭpravy BINiMa,
- Valery Hierasimaŭ, zahadčyk adździełu staradrukaŭ i redkich vydańniaŭ Prezidenckaj biblijateki Respubliki Biełaruś, namieśnik staršyni Rady MHA «ZBS «Baćkaŭščyna».