Ukraina i Biełaruś uzajemna admoviacca ad handlovych abmiežavańniaŭ
Kijeŭ admoviŭsia ad namieru ŭvieści z 20 studzienia 2016 h śpiecyjalnuju pošlinu ŭ pamiery 39,2% na šerah ekspartavanych va Ukrainu biełaruskich tavaraŭ. Pra heta ŭ sieradu, 13 studzienia, paviedamiła DW pres-słužba pasolstva Ukrainy ŭ Biełarusi.
Pa słovach handlovaha pradstaŭnika dypłamatyčnaha viedamstva Ukrainy ŭ Minsku, paśla dvuchbakovych kansultacyj ŭdzielniki rabočaj hrupy damovilisia ab tym, što Ukraina nie budzie ŭvodzić śpiecpošlinu ŭ dačynieńni da biełaruskich tavaraŭ. U svaju čarhu Biełaruś taksama admovicca ad handlovych abmiežavańniaŭ u dačynieńni da ŭkrainskaj pradukcyi, vyklikanych tym, što sa studzienia 2016 Ukraina ŭvajšła ŭ zonu svabodnaha handlu (ZSH) ź Jeŭrasajuzam.
Rašeńnie ab hetym było pryniata pa vynikach druhoha pasiadžeńnia biełaruska-ŭkrainskaj rabočaj hrupy vysokaha ŭzroŭniu pa pytańniach ŭzajemnaha handlu, jaki adbyŭsia ŭ Minsku 28 śniežnia 2015 h. Biełaruski bok na pieramovach uznačalvaŭ pieršy namieśnik ministra zamiežnych spraŭ Biełarusi Alaksandr Michnievič, ukrainskuju - namieśnik ministra ekanamičnaha raźvićcia i handlu Ukrainy Natalla Mikolskaja.