Sieryja vybuchaŭ u centry Džakarty: zahinuli siem čałaviek
U centry stalicy Indaniezii Džakarcie adbyłosia niekalki mahutnych vybuchaŭ. Pa papiarednich dadzienych, jość zahinułyja, u rajonie vybuchaŭ čuvać streły.
Pa paviedamleńniach ahienctva Frans-pres, na centralnaj vulicy horadu kala ŭčastka palicyi prahrymieła šeść vybuchaŭ, u vyniku čaho zahinuli nie mienš za try čałavieki.
Ahienctva Asašyejted pres paviedamlaje ab adnym zahinułym i pra toje, što ŭ rajonie nadzvyčajnaha zdareńnia čuvać huki strełaŭ.
Palicyja Džakarty paviedamlaje ŭ svaim «Tvitary», što adzin z vybuchaŭ prahrymieŭ nasuprać handlovaha centra Sarinah.
Dakładnaja kolkaść achviar i paciarpiełych pakul nieviadomaja.