Minabarony abvierhła zajavu Turčynava ab rasijskaj vajskovaj avijacyi ŭ Babrujsku
rbc.ua
Ministerstva abarony Biełarusi kateharyčna abvierhła zajavu sakratara Rady nacyjanalnaj biaśpieki i abarony Ukrainy Alaksandra Turčynava, zroblenuju im u «Fejsbuku». Pradstaŭnik ŭkrainskaha vajenna-palityčnaha kiraŭnictva abviaściŭ, što Rasija pierakinuła svaje vajenna-transpartnyja samaloty, źniščalniki Su-27 i bajavyja viertaloty na aeradrom u Babrujsku (Mahiloŭskaja vobłaść).
«Hetaja infarmacyja nie adpaviadaje rečaisnaści», — zajaviŭ BiełaPAN načalnik upraŭleńnia infarmacyi hałoŭnaha ŭpraŭleńnia ideałahičnaj pracy Ministerstva abarony pałkoŭnik Uładzimir Makaraŭ.
Nahadajem, u vieraśni 2015 hoda prezident RF Uładzimir Pucin daručyŭ Ministerstvu abarony i MZS Rasii pravieści ź Minskam pieramovy i padpisać pahadnieńnie ab raźmiaščeńni ŭ Biełarusi avijabazy. Praź niekalki tydniaŭ Alaksandr Łukašenka zajaviŭ, što havorki ab raźmiaščeńni rasijskaj avijabazy na terytoryi Biełarusi nikoli nie viałosia. «Nam nie treba baza siońnia, tym bolš vajenna-pavietranyja siły. Nam patrebnyja peŭnyja ŭzbrajeńnia. Pra što ja publična taksama havaryŭ Pucinu i raniej Miadźviedzievu», — adznačaŭ Łukašenka 6 kastryčnika. Paźniej jon nieadnarazova zakranaŭ hetuju temu, kožny raz padkreślivajučy, što rasijskaja avijabaza Biełarusi nie patrebnaja.