U Azierbajdžanie zabaranili prodaž valuty ŭ abmieńnikach
CB Azierbajdžana zabaraniŭ prodaž valuty ŭ abmieńnikach. Pa novych praviłach kupić dalary možna budzie tolki ŭ bankach. Abmieńniki praciahnuć pracu tolki ŭ haścinicach i aeraportach
Centralny bank Azierbajdžana (CBA) abviaściŭ ab zabaronie apieracyj pa abmienie zamiežnaj valuty pa-za hałoŭnymi ofisami i adździaleńniami kamiercyjnych bankaŭ, paviedamlaje ahienctva Trend.az.
«U suviazi z rostam apieracyj z abmienam valuty Centrabank abmiežavaŭ i spyniŭ dziejnaść abmiennych punktaŭ dla efiektyŭnaha i apieratyŭnaha rehulavańnia apieracyj kamiercyjnych bankaŭ, uzmacnieńnia kantrolu nad apieracyjami i aptymizacyi vydatkaŭ», — havorycca ŭ paviedamleńni CBA.
U adpaviednaści z rašeńniem CBA abmieńniki zmohuć praciahvać pracu tolki ŭ miescach kancentracyi turystaŭ, u pryvatnaści ŭ haścinicach i aeraportach. Nieabchodnaść zachavańnia abmieńnikaŭ u hetych miescach u CBA patłumačyli patrebaj «zadavalnieńnia patreb u apieratyŭnym abmienie valuty».
Kurs azierbajdžanskaha manata za apošni hod rezka ŭpaŭ. Jašče ŭ pačatku lutaha 2015 za dalar davali 0,78 manata, Z 14 studzienia 2016 h. aficyjny kurs dalara da azierbajdžanskaha manata ŭstanoŭleny CBA na ŭzroŭni 1,5706 manata za dalar.