Pamior kumir Švarcenehiera, lehiendarny ciažkaatlet Leanid Žabacinski
Va ŭkrainskim Zaparožžy pamior dvuchrazovy alimpijski čempijon i piacirazovy čempijon SSSR pa ciažkaj atletycy Leanid Žabacinski.
«Dziakujučy pryrodnamu talentu, metanakiravanaści i kałasalnaj pracy nad saboj naš lehiendarny ziamlak ustalavaŭ 19 suśvietnych rekordaŭ, 20 rekordaŭ SSSR, 58 rekordaŭ Ukrainy», - havorycca ŭ paviedamleńni haradskoj ułady.
Žabacinski braŭ zołata na Alimpijskich hulniach u 1964 i 1968 hadach, stanaviŭsia čempijonam śvietu (1964—1966 i 1968), Jeŭropy (1966 hod i 1968 hod) i SSSR (z 1964 pa 1969).
Ciažkaatlet naradziŭsia ŭ 1938 hodzie i za svajo žyćcio ustalavaŭ 19 suśvietnych rekordaŭ. Upieršyniu jon vystupiŭ na čempijanacie Ukrainy ŭ 1957 hodzie.
Arnold Švarcenehier nieadnarazova pryznavaŭsia, što Žabacinski byŭ jaho kumiram junactva.