U subotu — paharšeńnie ŭmovaŭ nadvorja
U aŭtorak Biełaruś z aficyjnym vizitam naviedała «Danieła», fota Siarhieja Hudzilina
15 studzienia ŭmovy nadvorja na terytoryi Biełarusi buduć vyznačać vobłaść panižanaha atmaśfiernaha cisku i frantalnyja raździeły. Čakajecca vobłačna z prajaśnieńniami. Na bolšaj častcy terytoryi śnieh, słabaja zavirucha. Miescami słaby tuman, šerań. Na asobnych učastkach daroh hałalodzica. Viecier pieramiennych napramkaŭ umierany.
Tempieratura pavietra minimalnaja nočču -8..- 14°S, pry prajaśnieńniach da -15..- 18°S, maksimalnaja dniom -4..- 11°S; na paŭdniovym zachadzie nočču -4..- 7°S, dniom 0..- 3°S.
16 studzienia nadvorje budzie vyznačać cykłon, jaki źmiaščajecca z Karpat na paŭdniovy ŭschod Biełarusi. Čakajecca paharšeńnie ŭmoŭ nadvorja. Vobłačna z prajaśnieńniami.
Na bolšaj častcy terytoryi śnieh, mokry śnieh. Miescami mocny śnieh, zavirucha.
Na darohach śniežnyja zanosy, u paŭdniova-ŭschodnich rajonach nalipańnie mokraha śniehu, hałalod. Viecier pieramiennych napramkaŭ ŭmierany, časam paryvisty.
Tempieratura pavietra minimalnaja nočču ad -2°S pa poŭdni da -15°S pa poŭnačy krainy; maksimalnaja dniom -3..- 10°S, pa poŭdni 0..- 2°S.
17 studzienia kraina budzie znachodzicca ŭ tyłavoj častcy cykłona, jaki pieramiaščajecca na Ćviarskuju vobłaść Rasii.
Dniom na terytoryju Biełarusi čakajecca pastupleńnie niaŭstojlivaha chałodnaha pavietra z Bałtyki.
Čakajecca vobłačna z prajaśnieńniami. Miescami karotkačasovy śnieh, słabaja zavirucha. Na asobnych učastkach daroh hałalodzica. Viecier paŭnočna-zachodni ŭmierany.
Tempieratura pavietra minimalnaja nočču -9..- 16°S, pry prajaśnieńniach da -20°S, maksimalnaja dniom -7..- 14°S, pa paŭnočnym uschodzie miescami da -16°S.