SAAZ zajaviła pra zakančeńnie epidemii lichamanki Eboła
Suśvietnaja arhanizacyja achovy zdaroŭja abviaściła pra toje, što epidemija lichamanki Eboła ŭ Libieryi i ŭsioj Zachodniaj Afrycy zaviaršyłasia.
SAAZ zajaviła pra zakančeńnie pieryjadu aktyŭnaj pieradačy virusa — u Libieryi nie było zarehistravana nivodnaha novaha vypadku voś užo 42 dni.
Raniej u minułym hodzie status svabodnaj ad Eboły krainy atrymali Hvinieja i Śjera-Leone.
U toj ža čas hienieralny sakratar AAN Pan Hi Mun papiaredziŭ, što Zachodniaja Afryka ŭsio jašče moža sutyknucca z abvastreńniem zachvorvańnia ŭ budučyni.
U vyniku samaj maštabnaj u historyi ŭspyški lichamanki Eboła ź śniežni 2013 hoda pamierli bolš za 11 tysiač čałaviek.