Łukašenka: My hladzim, jak zachłynułasia Jeŭropa ad patoku mihrantaŭ — bahataja, arhanizavanaja, u nas za płotam
Alaksandr Łukašenka zaćvierdziŭ siońnia rašeńnie na achovu dziaržaŭnaj miažy orhanami pamiežnaj słužby ŭ 2016 hod.
Na naradzie, pryśviečanaj zaćviardžeńniu rašeńnia na achovu dziaržmiažy, Alaksandr Łukašenka akcentavaŭ uvahu na sučasnyja vykliki i pahrozy, u tym liku na mihracyjnym kryzisie ŭ Jeŭropie.
«My ciapier hladzim na toje, jak zachłynułasia Jeŭropa ad patoku mihrantaŭ - bahataja, arhanizavanaja, zdavałasia b, Jeŭropa. Ale my nie pavinny skłaŭšy ruki siadzieć i dumać, što nas heta nie datyčycca. Heta ž za płotam ŭ nas», — padkreśliŭ jon.
Kiraŭnik dziaržavy vykazaŭ upeŭnienaść, što ŭ Biełarusi takaja situacyja niemahčymaja. Adnak treba pracavać, zachoŭvajučy dziejsnuju palityku ŭ dačynieńni da mihrantaŭ. Jak adznačyŭ Alaksandr Łukašenka, u Biełarusi nie suprać pavieličeńnia ich patoku, ale kožnaha čałavieka, jaki pretenduje na toje, kab žyć u krainie, buduć razhladać, vobrazna kažučy, pad pavieličalnym škłom.
«My tranzitnaja dziaržava, i kali my hetyja pracesy ŭpuścim, jak heta zrabiła Jeŭropa, my zachłyniemsia potym ad złačynnaści, jakuju siudy pryŭniasuć mihranty. Tamu my pavinny pravodzić palityku, jakuju pravodzili raniej», — skazaŭ Alaksandr Łukašenka.