Kiroŭca fury źbiŭ naśmierć žančynu, pastaviŭ aŭto na druhim baku darohi i naziraŭ za inśpiektarami
DTZ adbyłosia 14 studzienia kala 8.35.
Vialikahruz jechaŭ pa trasie R43 Kryčaŭ — Babrujsk — Ivacevičy. Na 435 km kiroŭca źbiŭ 70-hadovuju žančynu, jakaja išła ŭ spadarožnym kirunku pa krai darohi. Ad atrymanych traŭmaŭ žančyna pamierła na miescy avaryi, paviedamili ŭ DAI rehijonu.
Kiroŭca fury paśla zdareńnia pryparkavaŭ aŭtamabil na supraćlehłym baku darohi ŭ niekalkich mietrach ad DTZ i naziraŭ za dziejańniami inśpiektaraŭ, robiačy vyhlad, što jon da zdareńnia nie maje dačynieńnia. Mužčynu zatrymali paśla taho, jak pravaachoŭniki ahledzieli jaho furu i zaŭvažyli ŭvahnutaści, charakternyja dla hetaj avaryi.