«Kommiersant»: Usio bolš rasijan adkryvajuć valutnyja ŭkłady ŭ Biełarusi
kommersant.ru
Daččynyja adździaleńni rasijskich bankaŭ u Biełarusi adznačyli prykmietny rost aktyŭnaści inviestaraŭ z Rasii, jakija raźmiaščajuć tam ŭkłady ŭ dalarach i jeŭra. Pra heta piša maskoŭskaja hazieta «Kommiersant'».
Pavodle źviestak vydańnia, pryrost valutnych depazitaŭ amal u dva razy ad inviestaraŭ z Rasii zafiksavali daččyny bank Alfa-banka ŭ Biełarusi, Biełhazprambank ( «dačka» Hazprambanka) i «dačka» Aščadnaha banka BPS-Aščadbank.
Staŭki pa valutnych układach u paraŭnańni z rasiejskimi ŭ Biełarusi vielmi vysokija.
Dachodnaść pa ŭkładach u dołarach i jeŭra ŭ biełaruskich Alfa-banku, BPS-Aščadbanku i Biełhazprambanku ciapier składaje 5% pa dvuchhadovych biezadklikalnych depazitach. Dla paraŭnańnia, pa terminovych depazitach terminam bolš za dva hady ŭ ich rasijskich matčynych bankach maksimalnaja dachodnaść nie pieravyšaje 2,5%.
Akramia taho, u Biełarusi dziejničaje sistema harantavanaj kampiensacyi ŭkładaŭ: u joj adsutničajuć abmiežavańni pamieru strachoŭki, a vypłata kampiensacyi adbyvajecca ŭ valucie ŭkładu. U Rasiei ž jość abmiežavańnie (da 1,4 młn rub.) i prymusovaja kanviertacyja ŭ rubli pa kursie na datu adklikańnia ŭ banka licenzii.
Praŭda, adznačaje hazieta, u Biełarusi isnuje ryzyka niepradkazalnaj źmieny zakanadaŭstva. Namieśnik staršyni praŭleńnia Rajfajzenbanka Andrej Ściepanienka adznačaje, što siarod niehatyŭnych scenaroŭ mahčymyja pramaja zabarona na vyvaz valuty z krainy nierezidentami abo abmiežavańnie vypłat pa ŭkładach.