Miedahlady rabotnikaŭ pradpryjemstvaŭ pieraniasuć u 24-ju palikliniku
Siońnia stan zdaroŭja ludziej, jakija pracujuć u škodnych umovach vytvorčaści, kantralujuć lekary niekalkich paliklinik, ź jakimi pradpryjemstva zaklučali damovy na miedabsłuhoŭvańnie. Z časam takija ahlady płanujuć pieranieści ŭ adnu ŭstanovu — 24-ju palikliniku, paviedamlaje «Minsk Novosti».
Tak zvanaja dyspansieryzacyja rabotnikaŭ pravodzicca ź pieryjadyčnaściu adzin raz na hod abo raz na dva hady. Pra heta nahadaŭ pieršy namieśnik staršyni kamiteta pa achovie zdaroŭja Minharvykankama Dźmitryj Čaradničenka.
— Z časam usie hetyja miedahlady pieraviadziem u adnu miedustanovu — u 24-ju haradskuju palikliniku śpiecmiedahladaŭ, — adznačyŭ Čaradničenka. — Z adnaho boku, padobnaja centralizacyja miedycynskich ahladaŭ pavysić uzrovień kantrolu za stanam zdaroŭja pracujučych. Ź inšaha — palepšyć dastupnaść vuzkaśpiecyjalizavanaj miedycynskaj dapamohi dla pacyjentaŭ, jakija prychodziać na pryjom u palikliniku.
Sprava ŭ tym, što ŭ praviadzieńni prafahladaŭ zadziejničany vuzkija śpiecyjalisty (nieŭrołahi, aftalmołahi i inšyja), jakich možna budzie pieraaryjentavać na pryjom pacyjentaŭ u paliklinikach.
Pakul damovy na praviadzieńnie płatnych miedycynskich ahladaŭ rabotnikaŭ pradpryjemstvaŭ (arhanizacyj) zaklučany z 17 z 39 haradskich paliklinik. Tam, zapeŭniŭ śpiecyjalist, stvorany pazabiudžetnyja adździaleńni i niama prablem z ukamplektavanaściu vuzkimi śpiecyjalistami.
Čytać całkam: