U Minsku pačaŭ pracavać servis Jandeks.Taksi
Mabilny dadatak dla zamovy taksi ŭ Minsku ŭžo pracuje, choć aficyjny start servisu jašče nie dadzieny.
Pakul dla zamovy dastupnyja tolki aŭtamabili z taryfam «Ekanom»: absłuhoŭvać klijentaŭ buduć biudžetnyja aŭtamabili typu VW Polo, Skoda Rapid i Octavia, Kia Rio.
Košt minimalnaj pajezdki na aŭtamabilach servisu Jandeks.Taksi - 40 tys. rubloŭ. Siudy ŭklučany pasadka i pieršyja 3 km darohi, kožny nastupny budzie kaštavać 5900 u horadzie, 8900 — za horadam. Dzionny i načny taryfy nie adroźnivajucca.
5 lutaha ŭ Minsk zapracavaŭ hałoŭny kankurent Jandeks.Taksi — servis biudžetnaha taksi UberX. Tam padača aŭtamabila kaštuje 27 tys. rubloŭ (biez uklučanych kiłamietraŭ), hrošy spahaniajuć jašče i za čas pajezdki — 600 rubloŭ za kožnuju chvilinu, hetyja taryfy pry raźliku padsumoŭvajucca.
Voś jak raźličvajuć adzin i toj ža maršrut dva servisy.
Pieršy skrynšot - Jandeks Taksi. Druhi — Uber.
Spampavać dadatak Jandeks.Taksi možna ŭ App Store, Google Play, a taksama ŭ Windows Phone Store.
***
Jandeks.Taksi — veb-słužba i mabilny dadatak dla zamovy taksi z dapamohaj mabilnaha telefona. Servis aŭtamatyčna vyznačaje miescaznachodžańnie zakazčyka i nakiroŭvaje da jaho bližejšuju mašynu. Jandeks.Taksi ŭžo pracuje ŭ Maskvie, Sankt-Pieciarburhu, Jekaciarynburhu.
Pa dadzienych Bloomberg, na rasijskim rynku Jandeks.Taksi pakinuŭ zzadu svaich kankurentaŭ — pa vyručcy i kolkaści mašyn. U žniŭni 2015 hoda ŭ Maskvie aŭtapark Jandeks.Taksi naličvaŭ bolš za 15 tysiač mašyn suprać 10 tysiač ŭ izrailskaha Gett i 3 tysiač u amierykanskaha Uber.