Nacbank raspavioŭ pra niuansy dekreta №7: jak uličać dadatkovyja ŭznosy, častkovaje źniaćcie hrošaj, viernuć zališnie vypłačanaje
Nabližajucca terminy ŭstupleńnia ŭ siłu normaŭ dekreta №7, u tym liku jakija tyčacca spahnańnia padachodnaha padatku z karotkich depazitaŭ fizičnych asob. Nacbank apublikavaŭ list, jaki tłumačyć prymianieńnie normaŭ dakumienta.
Nacbank nahadvaje, što pracenty pa ŭsich depazitach, damovy na jakija byli zaklučanyja da 1 krasavika, nie buduć abkładacca padachodnym padatkam niezaležna ad terminu raźmiaščeńnia hrašovych srodkaŭ.
Kali damova zaklučana paśla 1 krasavika, to padachodny budzie spahaniacca, kali faktyčna hrošy na rachunku znachodzilisia mienš za adzin hod u rublach i mienš za dva hady — u valucie. Faktyčny termin raźmiaščeńnia, udakładniaje rehulatar, heta termin ad ŭniasieńnia hrošaj na rachunak (pieršapačatkovaha ŭniosku abo dadatkovych) da daty ich źniaćcia (poŭnaha abo častkovaha). Pry hetym pry častkovym źniaćci ličycca, što fizasoba zdymaje hrošy z najmienšym terminam faktyčnaha raźmiaščeńnia.
Utrymańnie sumy padachodnaha padatku budzie ažyćciaŭlacca nie štomiesiac, jak aścierahalisia banki, a pry faktyčnaj vypłacie takich dachodaŭ. Pieraličyć hrošy ŭ biudžet bank pavinien nie paźniej za dzień, jaki idzie za dniom atrymańnia jaho klijentam dachodaŭ ad układu.
Nacbank udakładniaje, što padachodny nie spahaniajecca z dachodaŭ ad układaŭ kaštoŭnych mietałaŭ abo kaštoŭnych kamianioŭ, a taksama z układaŭ, aformlenych aščadnymi siertyfikatami.
Zališnie ŭtrymanyja sumy padachodnaha padatku zaličvajucca bankam va ŭpłatu majučych adbycca płaciažoŭ padachodnaha padatku abo viartajucca płacielščyku.