U Hrodnie paśla drobnaha DTZ kiroŭca raśpieražyvaŭsia i pamior
Dniom 24 lutaha mužčyna pryjechaŭ z Vaŭkavyska razam z synam u polskaje konsulstva ŭ Hrodnie, kab zabrać pašpart. Pry vyjeździe z parkoŭki jon trapiŭ u nievialikaje DTZ, a kali vyjšaŭ z aŭtamabila, upaŭ jak miortvy.
Jak paviedamlaje «Błoh Hrodna», mužčyna paśla avaryi mocna raschvalavaŭsia i ŭ jaho nie vytrymała serca. Miedyki kanstatavali, što jon pamior ad sardečnaha prystupu.
«Pavodle słovaŭ vidavočcaŭ, u momant avaryi žančyna na «Reno» zdavała zadnim chodam i ŭdaryła «Tajotu», — piša «Tvoj Styl». — Adnak, kali pryjechali supracoŭniki DAI, jana vinu nie pryznała i śćviardžała, što ŭrezalisia ŭ jaje».
Viadoma, što ŭ pamierłaha mužčyny 15 hadoŭ tamu zdaryŭsia infarkt, inšych prablem sa zdaroŭjem nie było.