Srodki dla subsidyj na apłatu pasłuh ŽKH u 2016-m buduć vydzielenyja z reziervovaha fondu prezidenta
Srodki na sacyjalnuju padtrymku małazabiaśpiečanych hramadzian i inšych sacyjalna ŭraźlivych katehoryj nasielnictva ŭ 2016 hodzie buduć vydzielenyja z reziervovaha fondu prezidenta.
Heta praduhledžana ŭkazam ad 23 lutaha № 76 «Ab udakładnieńni asobnych pakazčykaŭ respublikanskaha biudžetu na 2016 hod», apublikavanym na Nacyjanalnym pravavym internet-partale.
Raschody i praficyt biudžetu źmienšanyja na 8 trłn. rubloŭ. Hety abjom srodkaŭ z reziervovaha fondu prezidenta budzie vydatkavany na akazańnie sacpadtrymki.
Ukazam taksama rekamiendavana sfarmavać u miascovych biudžetach reziervovyja fondy na subsidavańnie žyllova-kamunalnych pasłuh nasielnictvu ŭ ahulnym pamiery 2,8 trłn. rubloŭ.
Nahadajem, norma ab uviadzieńni 1 kastryčnika 2016 hoda bieznajaŭnych žyllovych subsidyj dla častkovaj apłaty asnoŭnych žyllova-kamunalnych pasłuh dla małazabiaśpiečanych hramadzian utrymlivajecca va ŭkazie ad 23 lutaha № 78 «Ab mierach pa pavyšeńni efiektyŭnaści sacyjalna-ekanamičnaha kompleksu Respubliki Biełaruś».
Uviadzieńnie subsidyj daje mahčymaść kampiensavać rost kamunalnych raschodaŭ, praduhledžany prahramaj azdaraŭleńnia ekanomiki, na jakoj nastojvaje MVF.