Krynica: Pucin abmiarkuje ŭ Minsku pytańnie ab kredycie Biełarusi
Pytańnie pradastaŭleńnia kredytu Biełarusi płanujecca abmierkavać u chodzie vizitu Uładzimira Pucina ŭ Minsk, paviedamiła krynica ŭ finansava-ekanamičnym błoku ŭrada RF.
ria.ru
«Viadoma, płanujecca. Akramia taho, budzie dvuchbakovaja sustreča, dzie taksama mohuć zakranuć temu», — skazaŭ surazmoŭca ahienctva.
Uładzimir Pucin i Alaksandr Łukašenka ŭ siaredzinie śniežnia minułaha hoda abmiarkoŭvali pytańnie ab mahčymaści pradastaŭleńnia kredytu Miensku z fondaŭ JEAES, adnak niejkich rašeńniaŭ tady pryniata nie było. Łukašenka na minułym tydni kazaŭ, što RF akaža dapamohu Biełarusi praź Jeŭrazijski bank raźvićcia (JEABR).
U sakaviku 2015 hoda Biełaruś źviarnułasia ŭ Jeŭrazijski fond stabilizacyi i raźvićcia, jakim kiruje JEABR, pa atrymańnie kredytu na 3 miljardy dalaraŭ na padtrymku stabilizacyjnaj prahramy ŭrada i Nacbanka. Paźniej suma zapytu była źnižana da 2 miljardaŭ dalaraŭ.